Pekin ABŞ Prezidenti Donadl Trampın Çinə dövlət səfərinin tarixini rəsmi olaraq açıqlayıb. Bu, ABŞ prezidentinin təxminən on ildən sonra ilk səfəridir.
Ölkə.az “Bloomberg”ə məlumatına görə, Çin xarici işlər nazirliyi bildirib ki, sonuncu dəfə 2017-ci ildə Çinə səfər edən Tramp, İrandakı müharibə səbəbindən bir dəfə təxirə salınmış sammitdə Si Cinpinlə görüşəcək.
Çin XİN-nin məlumatına görə, Tramp mayın 13-dən 15-dək Çinə dövlət səfəri edəcək.
FT-nin məlumatına görə, Tramp çərşənbə günü Si Cinpinlə ikinci zirvə görüşü üçün Çinə gələcək. Cümə axşamı görüş keçiriləcək, ardınca Cənnət Məbədinə ziyarət və axşam dövlət ziyafəti keçiriləcək. Cümə günü isə işgüzar nahar olacaq və ondan sorna Tramp ABŞ-a geri dönəcək.
Trampın Si Cinpinə ölkəyə dəstəyini dayandırması üçün təzyiq göstərməyə çalışdığı üçün İranla müharibənin sammitin gündəliyində əsas yer tutacağı gözlənilir.
ABŞ rəsmisi bildirib ki, Tramp Çinin İran və Rusiyaya dəstəyi, o cümlədən onlara ikili təyinatlı komponentlər və potensial silah ixracı ilə bağlı Si Cinpinlə əvvəlki müzakirələri davam etdirəcək.
Həm ABŞ, həm də Çin münaqişədən əvvəl dünya neft və qaz axınlarının beşdə birinin keçdiyi Hörmüz boğazının yenidən açılmasını istəyir. Pekin üçün əsas sual Tehrana təzyiq göstərməyə hazır olub-olmaması və Vaşinqtondan hansı əks tədbirləri tələb etməsidir.
İki liderin ötən oktyabr ayında Cənubi Koreyada əldə etdikləri ticarət barışıq müqaviləsinin uzadılmasını da tələb edəcəkləri gözlənilir. Bu razılaşmaya əsasən, ABŞ-a nadir torpaq elementləri də daxil olmaqla, ixrac nəzarəti qaldırılıb. iPhone-lardan tutmuş qırıcı təyyarələrə qədər hər şeyin istehsalı üçün vacib olan bu mineralların sabit tədarükünün təmin edilməsi Vaşinqton üçün əsas prioritet olacaq.
Tayvan məsələsi də danışıqlarda əsas yer tutacaq. ABŞ rəsmiləri həmçinin bildiriblər ki, Tramp və Si Anthropic-in Mythos kimi modellərinin imkanları ilə bağlı narahatlıqlar fonunda süni intellekt məsələsini müzakirə edəcəklər.
Mürtəza
