BMT Baş katibi Antonio Quterreş Hörmüz boğazındakı vəziyyətin dünya bazarına ciddi təsir göstərdiyini açıqlayıb.Metbuat.az xəbər verir ki, o, boğazın bağlanmasının enerji və gübrə qiymətlərini kəskin artırdığını bildirib. Quterreşin sözlərinə görə, bölgədə məhdudiyyətlərin aradan qaldırılması qlobal ərzaq təhlükəsizliyi baxımından vacibdir. BMT rəhbəri qeyd edib ki, gübrə çatışmazlığı bir çox ölkəni ərzaq böhranı təhlükəsi ilə üz-üzə qoyur. O vurğulayıb ki, Hörmüz boğazının tam açılması qiymətlərin sabitləşməsi üçün mühüm addımdır.
