Qroznıda çoxmərtəbəli binada güclü yanğın baş verib.
İnterpress.az xəbər verir ki, bu barədə Rusiya KİV məlumat yayıb.
Qroznı şəhərində çoxmərtəbəli yaşayış binasında güclü yanğın baş verib. Yanğın binanın yeddinci mərtəbəsində başlayıb, daha sonra isə alov səkkizinci və doqquzuncu mərtəbələrə də keçib. Dərhal hadisə yerinə cəlb olunan xilasedicilər tərəfindən binadan 300 nəfər təxliyə edilib ki, onların da 80-i uşaqdır.
Əlavə olaraq bildirək ki, hadisənin hansı səbəbdən baş verdiyi hələlik məlum deyil və bununla bağlı müvafiq araşdırmalar aparılır.
Xuraman Etibarlı
İnterpress.az
