“ABŞ Prezidenti Donald Tramp İranla danışıqlardan getdikcə daha çox məyus olur və genişmiqyaslı hərbi əməliyyatları bərpa etməyi ciddi şəkildə düşünür”.
“Cebheinfo.az” xəbər verir ki, bunu CNN-ə məsələ ilə tanış olan mənbələr bildirib.
Onlar bildiriblər ki, Ağ Ev liderinin fikrincə, Hörmüz boğazının bağlanmasının davam etməsi və İran rəhbərliyi daxilindəki ixtilaf Tehranın nüvə danışıqlarında güzəştə getməsinə mane olur.
Mənbələr qeyd ediblər ki, Trampın "tamamilə qəbuledilməz" və "axmaq" adlandırdığı İranın son təklifi Ağ Evi ciddi düşünməyə vadar edib.
Eyni zamanda, CNN mənbələrinə görə, administrasiya daxilində münaqişənin davam etdirilməsi ilə bağlı fərqli fikirlər var. Xüsusilə, Pentaqon İranı danışıqlar masasına oturtmaq üçün ona qarşı daha aqressiv yanaşmanı dəstəkləyir.
Hərbçilər əlavə zərbələr endirməklə iranlıların mövqeyini daha da zəiflətməyi təklif edirlər. Bəzi administrasiya rəsmiləri hələ də diplomatiyaya şans verilməli olduğuna inanırlar.
11 mayda Tramp İranla bağlı əlavə variantları müzakirə etmək üçün Ağ Evdə milli təhlükəsizlik qrupu ilə yenidən görüşüb. Prezident bildirib ki, 7 apreldə elan etdiyi atəşkəs Tehranın ABŞ sülh təkliflərinə cavabından sonra sağ qalmaq cəhdidir:
"Bizə göndərdikləri cəfəngiyatı oxuduqdan sonra bunu indiyə qədər ən zəif təklif adlandırardım. Hətta oxuyub qurtarmamışam".
Lakin CNN mənbələri qeyd edib ki, növbəti addım barədə qərar ABŞ prezidentinin 13-15 may tarixlərində Çinə planlaşdırılan səfərindən əvvəl verilməyəcək.
