Konkret.az saytından alınan məlumata görə, ain.az bildirir.
Rusiya Xarici İşlər Nazirliyinin MDB ölkələri üzrə dördüncü departamentinin direktoru Mixail Kaluqin Ermənistanın “Avropa yolu”nun Moskva ilə münasibətlərə təsir göstərəcəyini bildirib.
KONKRET.az xəbər verir ki, TASS-a müsahibəsində diplomat qeyd edib ki, Rusiyanın baş nazir müavini Aleksey Overçukun Ermənistanla bağlı səsləndirdiyi fikirlər rəsmi Moskvanın İrəvana verdiyi siqnalların tərkib hissəsidir.
“Rusiya hökuməti sədrinin müavini Aleksey Overçukun dediyi fikirlər müxtəlif səviyyələrdə Ermənistan rəhbərliyinə və ictimaiyyətinə çatdırdığımız mesajların nümunəsidir”, – deyə Kaluqin vurğulayıb.
Onun sözlərinə görə, İrəvanın “Avropa yolu” üzrə irəliləməsi müəyyən mərhələdə Rusiya-Ermənistan münasibətlərində sistemli dəyişikliklərə gətirib çıxara bilər.
Kaluqin deyib ki, Avropa İttifaqı Ermənistan üçün təhlükəsizlik, iqtisadi sabitlik və rifah baxımından real alternativ mexanizmlər təklif etmir.
“Brüsselin məqsədi Ermənistana və ya Cənubi Qafqaz ölkələrinə qayğı göstərmək deyil. Onların əsas marağı Rusiyaya qarşı yönəlmiş geosiyasi vəzifələrin həyata keçirilməsidir”, – deyə diplomat əlavə edib.
Müşviq Tofiqoğlu
KONKRET.az
Ən son xəbərləri və yenilikləri almaq üçün ain.az saytını izləyin.
