ain.az, 525.az saytından verilən məlumata əsaslanaraq xəbər yayır.
Namibiyanın Sossusvlei bölgəsində yüngül mühərrikli təyyarə qəzaya uğrayıb.
525.az xarici KİV-ə istinadən xəbər verir ki, Sossusvlei bölgəsindəki bir otelə getmək üçün paytaxt Vindhoekdəki Hosea Kutako Beynəlxalq Hava Limanı yaxınlığındakı şəxsi uçuş-enmə zolağından havaya qalxan “Cessna 210 Centurion” təyyarəsi planlaşdırılan vaxtda təyinat yerinə çatmayıb.
Havadan və qurudan aparılan axtarış-xilasetmə əməliyyatlarından sonra təyyarə Sossusvlei yaxınlığındakı Namib səhrasında qəzaya uğramış vəziyyətdə tapılıb. Təyyarədə olan pilotun və 3 alman turistin cəsədləri çıxarılıb.
Həyatını itirənlərin şəxsiyyətləri hələ açıqlanmayıb, Namibiya Hava Qəzalarını Araşdırma Müdirliyi isə qəzanın səbəbləri ilə bağlı araşdırmaya başlanıldığını bəyan edib.
İbrahim Cəfərov
Hadisənin gedişatını izləmək üçün ain.az saytında ən son yeniliklərə baxın.
