Həddindən artıq anlayışlı və hər kəsi razı salmağa çalışan olmaq düşündüyünüz qədər də zərərsiz olmaya bilər.
Hakimiyyet.az xəbər verir ki, mütəxəssislərin sözlərinə görə, insanın daim başqalarına güzəştə getməsi zamanla öz ehtiyaclarını geri plana atmasına səbəb olur.
Bu vəziyyət çox vaxt təsdiqlənmək istəyi və ya münaqişədən qaçmaqla əlaqələndirilir.
Lakin insanın öz hisslərini davamlı şəkildə boğması uzunmüddətli stressə gətirib çıxara bilər.
Elmi araşdırmalar göstərir ki, bastırılmış emosiyalarla fiziki sağlamlıq arasında əlaqə ola bilər. Xüsusilə şəxsi sərhədlər qoymaqda çətinlik çəkən insanlarda stress hormonlarının səviyyəsinin daha yüksək olduğu müşahidə edilir.
Mütəxəssislərə görə, bu vəziyyət uzun müddətdə aşağıdakı problemlərlə əlaqəli ola bilər:
• İmmunitet sisteminin zəifləməsi
• Daimi yorğunluq
• Həzm problemləri
• İltihabla əlaqəli narahatlıqlar
• Bəzi autoimmun xəstəliklərə meylliliyin artması
Psixoloqlar vurğulayırlar ki, sağlam münasibətlər qurmaq üçün sadəcə mehriban olmaq deyil, eyni zamanda sərhəd qoymağı bacarmaq da vacibdir.
Həmidə İbrahimova
