Demokrat.az portalından əldə olunan məlumata əsasən, ain.az xəbər verir.
Qurban bayramına sayılı günlər qaldıqca qurbanlıq heyvanların qiyməti yenidən müzakirə mövzusuna çevrilib. Hər il olduğu kimi, bu il də vətəndaşları ən çox maraqlandıran məsələlərdən biri qurban kəsməyin ümumi xərcinin nə qədər olacağıdır. Bazarlarda diri heyvanların qiymətində müşahidə olunan dəyişikliklər, yem və daşınma xərcləri də qiymətlərə təsir edən əsas amillər sırasında göstərilir. Xüsusilə iri və xırdabuynuzlu heyvanların satış qiymətlərində fərqlər alıcıların seçim imkanlarına da təsir edir.Məsələ ilə bağlı Demokrat.az-a açıqlama verən iqtisadçı ekspert Xalid Kərimli bildirib ki, qurbanlıqla bağlı qiymət dəyişikliklərini indidən tam qiymətləndirmək bir qədər çətindir:“Çünki hələ Qurban bayramı ərəfəsi tam başlamayıb. Adətən qiymət dəyişiklikləri və bazardakı hərəkətlilik bayrama yaxın günlərdə daha çox hiss olunur. Hazırda isə həmin əhval-ruhiyyə və aktivlik tam formalaşmayıb. İnsanlar hələ kütləvi şəkildə qurbanlıq heyvan almağa başlamayıblar. Təxminən qarşıda iki-üç həftəlik müddət var və əsas bazar canlanması məhz həmin dövrdə müşahidə olunur. Ümumilikdə isə ət bazarında ötən illə müqayisədə müəyyən bahalaşma var. Amma bunu birbaşa Qurban bayramı ilə əlaqələndirmək düzgün olmazdı. Qiymət artımının öz iqtisadi və bazar səbəbləri mövcuddur. İstəsəniz, ət qiymətlərindəki bahalaşmanın səbəbləri ilə bağlı ayrıca geniş izah və materiallar da təqdim etmək mümkündür.O qeyd edib ki, təbii olaraq Qurban bayramı ərəfəsində tələbatın kəskin artması bazar qanunlarına uyğun şəkildə qiymətlərə də təsir edir:“Xüsusilə diri qoyun və yeni kəsilən heyvanlara maraq artdığı üçün bayram günlərində qiymətlər müəyyən qədər bahalaşır. Bu, demək olar ki, hər il müşahidə olunan ənənəvi bazar vəziyyətidir. Adətən bayram bitdikdən sonra isə qiymətlər yenidən əvvəlki normal diapazona qayıdır. Böyük ehtimalla bu il də eyni vəziyyət müşahidə olunacaq”.Leyla Turan
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
