525.az saytına istinadən ain.az xəbər verir.
Hər il mayın 15-də dünyanın müxtəlif yerlərində yaşayan fələstinlilər Nəkbənin — 1948-ci ildə yüz minlərlə fələstinlinin öz evlərindən didərgin salındığı, şəhərlərinin dağıdıldığı və icmalarının parçalandığı kütləvi köçürülmənin ildönümünü qeyd edirlər. Bu il anım xüsusi əhəmiyyət kəsb edir, çünki Fələstin xalqı Qəzzada və işğal olunmuş ərazilərdə dağıdıcı şəraitə dözməyə davam edir.
525.az xəbər verir ki, bu barədə Fələstin Dövlətinin Bakıdakı səfirliyinin yaydığı açıqlamada deyilir.
Qeyd olunub ki, bu Anım Günündə səfirlik Fələstin probleminin davamlı aktuallığını siyasi məsələ kimi deyil, beynəlxalq hüquq, insan hüquqları və həm Azərbaycanın, həm də Fələstinin sadiq qaldığı beynəlxalq nizamın əsasını təşkil edən prinsiplər məsələsi kimi bir daha vurğulayır.
“1948-ci ildə baş vermiş didərginlik heç vaxt həll olunmayıb. Fələstinli qaçqınların nəsilləri dünyada ən uzun müddətdir didərgin düşmüş əhali qrupları sırasında qalmaqdadır. Onların vəziyyəti, eləcə də Fələstin dövlətçiliyi və öz müqəddəratını təyinetmə ilə bağlı daha geniş məsələ Birləşmiş Millətlər Təşkilatının (BMT) qətnamələrinə və beynəlxalq humanitar hüquqa uyğun ədalətli və davamlı həllini hələ də gözləyir”, - bəyanatda vurğulanıb.
Səfirlik Azərbaycanın Fələstin hüquqlarına beynəlxalq platformalarda, o cümlədən BMT və İslam Əməkdaşlıq Təşkilatı çərçivəsində prinsipial və ardıcıl dəstəyinə görə dərin minnətdarlığını bildirir. Bu həmrəylik Fələstin xalqı və rəhbərliyi tərəfindən yüksək qiymətləndirilir və tanınır.
“Biz beynəlxalq ictimaiyyəti və Azərbaycandakı tərəfdaşlarımızı ədalətli, hərtərəfli və davamlı sülhün əldə edilməsinə yönəlmiş diplomatik səyləri dəstəkləməyə davam etməyə çağırırıq — elə bir sülh ki, Fələstin xalqının Şərqi Qüdsün paytaxtı olduğu müstəqil dövlət hüququ da daxil olmaqla qanuni hüquqlarını təmin etsin və qaçqınlar məsələsinə BMT-nin 194 saylı Qətnaməsinə uyğun olaraq ədalətli həll gətirsin”, - səfirlik bildirib.
Bəyanatda deyilir ki, Fələstin xalqı diplomatiyaya, beynəlxalq hüquqa və xalqların birliyinə olan inamını heç vaxt itirməyib: “Bu, Anım Günündə biz yenidən sülhə sadiqliyimizi bildirir — və bir daha dünyanı ədalətə sadiq olmasını nümayiş etdirməyə çağırırıq”.
Pərvanə Sultanova
Ən son xəbərləri və yenilikləri almaq üçün ain.az saytını izləyin.
