“Arbat” batalyonunun qurucusu Armen Sarkisyana sui-qəsddə Ukrayna təhlükəsizlik xidmətlərinin – xüsusi xidmət orqanları və Müdafiə Nazirliyinin Baş Kəşfiyyat İdarəsinin naməlum zabitləri iştirak ediblər.
“Cebheinfo.az” xəbər verir ki, bu barədə Rusiya İstintaq Komitəsi məlumat yayıb.
Müstəntiqlər hesab edirlər ki, zabitlər 2024-cü ilin mart ayından gec olmayaraq Moskvada terror aktı üçün plan hazırlayıblar:
“Hədəf 2014-cü ilin fevral ayında Ukraynada baş verən hadisələri tənqid etməsi ilə tanınan Sarkisyan idi.
Cinayəti həyata keçirmək üçün Varaj Manukyan və Paruyr Matevosyan da daxil olmaqla bir qrup yaradılıb. Qrup üzvləri ictimai xadimi izləyib, onun gündəlik marşrutlarını və təhlükəsizliyini sənədləşdirib və videogörüntülər çəkiblər. Manukyan MON-50 minasına əsaslanan əldəqayırma partlayıcı qurğunun daşınması və saxlanmasından məsul olub.
Hadisə 3 fevral 2025-ci il səhər saatlarında Aviasiya küçəsindəki "Scarlet Sails" yaşayış kompleksində baş verib. Matevosyan Sarkisyanın yaxınlaşdığını bildirdikdən sonra lift foyesinə yerləşdirilmiş partlayıcı qurğu uzaqdan işə salınıb.
Partlayış nəticəsində Matevosyan və Armen Sarkisyan da dərhal ölüblər. Digər iki nəfər ağır alıb, bir nəfər isə orta dərəcəli xəsarət alıb”.
Hadisədən dərhal sonra bir nəfərin öldüyü, dörd nəfərin isə ağır yaralandığı bildirilib, onlardan biri daha sonra xəstəxanada ölüb.
Bu şəxsin Armen Sarkisyan olduğu müəyyən edilib. Cinayətə hazırlıq, qəsdən adam öldürməyə cəhd və partlayıcı maddələrin qanunsuz dövriyyəsi maddələri ilə cinayət işi açılıb.
