Özbəkistan Kosmik Tədqiqatlar və Texnologiyalar Agentliyi (Özbəkkosmos) ölkənin ilk astronavtını 2028-ci ildə kosmik missiyaya göndərmək planlarını açıqlayıb.
Hafta.az yazır ki, Özbəkkosmosun baş direktorunun müavini Muhiddin İbrahimov ölkənin ilk astronavtını 2028-ci ildə kosmosa göndərəcəklərini bildirdi.
Missiyanın həmçinin 2028-ci ilin oktyabr ayında Səmərqənddə keçiriləcək Beynəlxalq Astronavtika Konqresi (IAC) ilə üst-üstə düşməsi planlaşdırılır.
İbrahimov təxminən 14 gün davam etməsi planlaşdırılan missiyanın sadəcə simvolik bir uçuş olmayacağını vurğuladı. O, tibb, biologiya və genetika kimi sahələrdə özbək alimləri tərəfindən hazırlanan təcrübələrin kosmosda aparılacağını qeyd etdi. Rəsmilər missiyada iştirak edəcək astronavtın ümummilli proqram vasitəsilə seçiləcəyini və gələcək astronavtların seçilməsinə, təliminə və uçuşuna nəzarət etmək üçün xüsusi dövlət komissiyasının yaradılacağını bildirdilər.
Muhiddin İbrahimov insan kosmik uçuş imkanlarına malik ölkələrlə əlaqələrin davam etdiyini və bu tərəflərlə əməkdaşlıq müzakirələrinin davam etdiyini qeyd etdi.
