X Böyük Britaniyada qeyri-qanuni nifrət nitqi və terrorla əlaqəli məzmunlara qarşı müdafiəni gücləndirməyə razılaşıb. Bu barədə ölkənin media tənzimləyicisi Ofcom məlumat yayıb.
QHT.az xarici mediaya istinadən bildirir ki, platforma şübhəli nifrət nitqi və terror məzmunlu paylaşımları orta hesabla 24 saat ərzində nəzərdən keçirəcək, ən azı 85%-ni isə 48 saat ərzində qiymətləndirəcək.
Razılaşma aylarla davam edən tənzimləyici təzyiqlərdən sonra əldə olunub. Bununla yanaşı, Ofcom-un X platformasının sistemləri və Grok ilə bağlı araşdırmaları davam edir.
