Günü bir stəkan ilıq limonlu su ilə başlamaq sadə bir vərdiş kimi görünsə də, əslində orqanizmin daxili sistemlərini oyatmaq üçün ən effektiv üsullardan biridir. Metbuat.az xəbər verir ki, limon turş olsa da, həzm prosesində metabolizə olunduqdan sonra qanda qələvi qalıq buraxır ki, bu da iltihablanma proseslərinin qarşısını almaq üçün mühümdür. Limonlu su həmçinin qaraciyərin ən yaxın dostudur. O, öd istehsalını stimullaşdıraraq qaraciyərin toksinlərdən təmizlənməsini sürətləndirir və həzm sistemini ağır qidalara hazırlayır. Tərkibindəki yüksək C vitamini sayəsində maddələr mübadiləsi (metabolizm) aktivləşir ki, bu da çəki nəzarəti ilə məşğul olanlar üçün əlavə dəstəkdir. Maksimum fayda üçün suyun qaynar deyil, məhz ilıq olması və limonun təzə sıxılması tövsiyə olunur.
