BAKI,TurkicWorld Yusif Şərifzadə
Londonda keçirilən genişmiqyaslı etiraz aksiyaları ilə əlaqədar təhlükəsizlik tədbirləri gücləndirilib. Bakı, AzerVoice, Yusif.
TurkicWorld xəbər verir ki, Londonda şəhərin mərkəzində keçirilən iki ayrı etiraz aksiyası çərçivəsində on minlərlə insan yürüş edib.
Məlumata görə, aksiyalardan biri Nakba Günündən sonra təşkil olunan Fələstin tərəfdarı nümayiş, digəri isə Tommi Robinson tərəfindən təşkil edilən ifrat sağçı mitinq olub.
Birləşmiş Krallığın paytaxtında təhlükəsizlik tədbirləri çərçivəsində 4 min polis əməkdaşı səfərbər olunub. Bildirilir ki, bu qüvvələrə şəhər xaricindən cəlb edilən əlavə polis bölmələri də daxil edilib.
Metropolitan Polis İdarəsinin məlumatına əsasən, tədbirlərin idarə olunması məqsədilə zirehli texnika, atlı polis dəstələri, xidmət itləri, pilotsuz uçuş aparatları və helikopterlərdən istifadə olunub.
Polis nümayəndələri həyata keçirilən tədbirləri son illərin ən genişmiqyaslı ictimai asayiş əməliyyatlarından biri kimi qiymətləndirib.
