ain.az, Bizimyol portalına istinadən məlumat verir.
16 may şənbə günü ABŞ paytaxtında vətəndaşlar İranın mövcud rəhbərliyinin siyasətinə etirazlarını bildirmək üçün böyük yürüş təşkil etdilər. Tədbir iştirakçıları “Biz ədalət istəyirik, biz sülh istəyirik, İranı azad edin, biz tələb edirik!”, “İranda rejim xalqın gücü ilə dəyişməlidir!” və “İranda edamları dərhal dayandırın!” kimi şüarlar səsləndirdilər.
Bizimyol.info xəbər verir ki, bu barədə amerikalı "Fox News" nəşri məlumat verib.
Azad İran tərəfdarlarına dəstək yürüşündə çıxış edən Demokrat Partiyasının sabiq Nümayəndələr Palatası üzvü Patrik Kennedi bildirib ki, “azadlıq işi yaşayır, təşkil olunub və irəliləyir”. O, yürüşün Vaşinqtonda keçirilməsinin simvolik olduğunu qeyd edərək ABŞ paytaxtını bütün dünyada demokratiyanın simvolu adlandırıb.
Kennedi əlavə edib ki, etirazçılarla birlikdə yürüşdə olmaq onun üçün böyük şərəfdir, çünki iştirakçılar təslim olmadıqlarını və tiraniyanın qalib gəlmədiyini göstərirlər. Onun sözlərinə görə, hazırkı tarixi məqam insanlardan və öz ideallarından vaz keçməyən hərəkatdan formalaşır. Yürüşün əsas mesajı isə İranda hökmran olan “dini faşizmə” qarşı aydın demokratik alternativin mövcudluğudur.
Böyük yürüşün təşkilatçısı İran Milli Müqavimət Şurasıdır. Şura rəhbərliyi bildirib ki, minlərlə tərəfdarı tədbirə toplamağı gözləyirdilər. Rəsmi açıqlamada tədbirin əsas məqsədləri kimi rejimin edamlarının artmasının dayandırılması, İran xalqının müqavimətinə dəstək verilməsi və Tehranı idarə edən terror rejiminə qarşı qəti beynəlxalq tədbirlər görülməsi göstərilib.
Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
