ain.az, Ayna portalına istinadən məlumat verir.
Nahar 24 iyunda Nebraska ştatında, “Berkshire Hathaway” investisiya şirkətinin qərargahının yerləşdiyi yerdə keçiriləcək
Milyarder investor Uorren Baffet və Milli Basketbol Assosiasiyasının (NBA) ulduzu Stiven Karri ilə nahar “eBay”də 9 milyon dollara satılıb. AYNA.AZ “Reuters”ə istinadən xəbər verir ki, hərraca 172 təklif gəlib.
Nahar 24 iyunda Nebraska ştatının Omasa şəhərində, “Berkshire Hathaway” investisiya şirkətinin qərargahının yerləşdiyi yerdə keçiriləcək. Naməlum qalib şəxs yeddi qonaq dəvət edə bilər.
Satışdan əldə edilən gəlir iki xeyriyyə təşkilatı arasında bölüşdürüləcək: “Glide” Fondu və “Eat. Learn. Play” arasında.
Baffet əvvəllər hər birinə qalib təklifə bərabər əlavə məbləğ bağışlayacağına söz vermişdi. Bu, ümumi ianəni 27 milyon dollara çatdırır.
“Glide” Fondu ehtiyacı olanlara tibbi yardım və qidalanma təmin edir. 50 ildən çoxdur fəaliyyət göstərən “Glide” Baffetin 2004-cü ildə vəfat edən həyat yoldaşı Syuzanın sevimli xeyriyyə təşkilatı olub.
“Eat. Learn. Play” təşkilatı Stiven Karri və həyat yoldaşı tərəfindən təsis edilib. Təşkilat qidalanma, uşaqların təhsili və aktiv həyat tərzinin təşviqi sahəsində ixtisaslaşıb.
Kerri "Qolden State Warriors" komandasında hücumçudur və dördqat NBA çempionudur. Həyat yoldaşı Ayeşa sahibkar və yemək kitabları müəllifidir.
Hazırda 95 yaşı olan Baffet "Berkshire Hathaway" şirkətinin sədridir. Milyarder təxminən 60 il şirkətin baş direktoru vəzifəsində çalışıb və bu ilin əvvəlində vəzifəsindən istefa verib. "Forbes" jurnalı onun sərvətini 143,5 milyard dollar qiymətləndirir. Baffet sərvətinin demək olar ki, hamısını üç övladı tərəfindən idarə olunan xeyriyyə fonduna bağışlayıb.
Baffet əvvəllər onunla birlikdə nahar etmək imkanını müntəzəm olaraq hərraca çıxarıb. Lakin 2022-ci ildə bildirilirdi ki, bu, belə bir təklifin sonuncu dəfə təqdimatı olacaq.
Ən son xəbərləri və yenilikləri almaq üçün ain.az saytını izləyin.
