Cebheinfo portalından verilən məlumata görə, ain.az xəbər yayır.
Yaponiyanın əczaçılıq şirkəti “Kissei Pharmaceutical” dərman qəbul edərkən 20 ölüm hadisəsi barədə məlumat yayıb.
Bundan sonra həkimlərə nadir autoimmun xəstəliklərin müalicəsində istifadə edilən “Tavneos” dərmanını yeni xəstələrə təyin etməmələri barədə xəbərdar olunub.
“Cebheinfo.az” xəbər verir ki, məlumatı “Medical Xpress” yayıb.
Cümə günü Yaponiyada ”Tavneos” satan şirkət səhiyyə işçilərinə dərmanın 2022-ci ilin iyun ayında Yaponiyada satışa çıxarıldığı vaxtdan bəri 20 ölümcül hal qeydə alındığını bildirən bildiriş göndərib.
Eyni zamanda, həkimlərə ağır qaraciyər disfunksiyası riski barədə xəbərdarlıq edilib və dərmanı yeni xəstələrə təyin etməmək və artıq qəbul edənlər üçün davam etdirilməsinin məqsədəuyğunluğunu yenidən nəzərdən keçirmək tövsiyə olunub.
Həm dərmanın hüquqlarına sahib olan “Amgen”, həm də “Kissei Pharmaceutical” bu hallar arasında ölümlə dərman arasında səbəb-nəticə əlaqəsinin müəyyən edilmədiyi halların olduğunu vurğulayıblar.
“Kissei Pharmaceutical”-ın məlumatına görə, “Tavneos” Yaponiyada satışa çıxarıldığı vaxtdan bəri təxminən 8500 xəstəyə təyin edilib.
“Tavneos” (beynəlxalq patentləşdirilməmiş adı avakopan) qan damarlarının iltihabına səbəb olan nadir autoimmun xəstəliklərin, xüsusən də ANCA ilə əlaqəli vaskulitin müalicəsində istifadə olunur.
Avropa Dərman Agentliyinin məlumatına görə, dərman iltihabı azaltmağa və uzunmüddətli, yüksək dozalı kortikosteroidlərə ehtiyacı azaltmağa kömək edir.
Qeyd olunur ki, ABŞ-də “Tavneos” qəbul edən 8000-dən çox xəstə arasında ağır qaraciyər zədələnməsi ilə bağlı təsdiqlənmiş ölüm halı qeydə alınmayıb.
Dərman 2021-ci ildə ABŞ-də, 2022-ci ildə isə Avropada təsdiqlənib.
Lakin aprel ayında ABŞ səhiyyə orqanları məlumatların saxtalaşdırılması və klinik sınaqlardakı digər qanun pozuntuları ilə bağlı narahatlıqlar səbəbindən dərmanın qeydiyyatının ləğvini təklif edib.
Yanvar ayında Avropa Dərman Agentliyi də təqdim olunan məlumatların etibarlılığı ilə bağlı suallar yarandıqdan sonra öz araşdırmasına başladı.
Xəzər
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Hadisənin gedişatını izləmək üçün ain.az saytında ən son yeniliklərə baxın.
