Sentyabrda dolların məzənnəsi 80 rubl təşkil edəcək.
Publika.az xəbər verir ki, bu proqnozu "Gazeta.Ru"ya müsahibəsində "SberInvesticii" şirkətinin fond bazarı üzrə strateqi Dmitri Makarov verib.
Strateqin sözlərinə görə, aprel ayında əhalinin valyutaya olan marağında kəskin artım müşahidə olunub: fiziki şəxslərin xalis valyuta alışı mart ayındakı 65,2 milyard rubla qarşı 108 milyard rubla yüksəlib. Bu göstərici həm 2024 və 2025-ci illərin aprel ayı göstəricilərini (müvafiq olaraq 95,2 milyard və 68,5 milyard rubl), həm də 2025-ci ilin orta aylıq göstəricisini üstələyib.
"Bununla belə, əhalinin marağının artması valyuta bazarındakı qüvvələr nisbətini hələ ki dəyişmir. Burada əsas rolu yenə də büdcə qaydası və ixrac gəlirlərinin axını oynayır. May ayında Maliyyə Nazirliyi nisbətən az həcmdə valyuta alışı elan edib. Milli Rifah Fondunun xərclərinin kompensasiya edilməsini nəzərə alsaq, Mərkəzi Bankın bazardakı xalis əməliyyatları rəmzi xarakter daşıyır. Bu isə rublun nisbətən güclü qalmasını dəstəkləyir və qısamüddətli perspektivdə dollar üçün təxminən 75 rubl, yuan üçün isə 11 rubl səviyyəsində 'ədalətli' məzənnə formalaşdırır", – deyə Makarov qeyd edib.
Onun fikrincə, rublun hazırkı səviyyəsi valyuta mövqelərinin mərhələli şəkildə formalaşdırılması üçün cəlbedici görünür.
