İngiltərə Premyer Liqasının (İPL) 37-ci turu çərçivəsində dünən öz meydanında "Nottingem Forest"i 3:2 hesabı ilə üstələyən "Mançester Yunayted"in yarımmüdafiəçisi Brunu Fernandeş sözügedən çempionatın assist rekordunu təkrarlayıb.
Fanat.Az xəbər verir ki, portuqaliyalı futbolçu "meşəbəyilər"lə görüşdə cari mövsüm 20-ci qol ötürməsini edib.
Daha öncə bir İPL mövsümündə bu sayda assist həddinə yalnız "Arsenal"ın sabiq hücumçusu Tyerri Anri (2002/2003) və "Mançester Siti"nin keçmiş yarımmüdafiəçisi Kevin De Bröyne (2019/2020) çata bilib.
MY 38-ci turda "Brayton"la üz-üzə gələcək. Mayın 24-də reallaşacaq qarşılaşma 19:00-da start götürəcək.
Nihat
