Dünya Səhiyyə Təşkilatı (DST) Konqo Demokratik Respublikası və Uqandada yayılan Ebola növü səbəbilə “qlobal fövqəladə vəziyyət” elan edib.
Sitat.info xəbər verir ki, səbəb kimi ən az 88 ölüm və 300-dən çox şübhəli yoluxma göstərilir. Xüsusilə Bundibugyo adlı nadir virus növünə qarşı nə vaksin, nə də spesifik müalicə və test mövcuddur.
Afrika CDC də vəziyyətin ciddi olduğunu bildirir, lakin dərman və qoruyucu vasitələrin çatışmazlığı problemi daha da ağırlaşdırır.
Konqo və Uqandada hərəkət edən əhali, münaqişələr və sıx yaşayış şəraiti virusun yayılmasını sürətləndirir. Artıq bölgədə yeni yoluxmalar və ölkələrarası yayılma halları da qeydə alınıb.
Mütəxəssislər bu qərarın sürətli yardım və beynəlxalq koordinasiya üçün vacib olduğunu, lakin vəziyyətin hələ də riskli olduğunu bildirirlər.
