Ümumdünya Səhiyyə Təşkilatı (ÜST) Demokratik Konqo Respublikası və Uqandada yayılan, hələlik təsdiqlənmiş peyvəndi olmayan nadir bir Ebola virusu növünə görə beynəlxalq fövqəladə vəziyyət siqnalı verib.
"Cebheinfo.az" xəbər verir ki, ÜST Demokratik Konqo Respublikası və Uqandanı cənginə alan Ebola epidemiyası qarşısında hərəkətə keçərək "beynəlxalq əhəmiyyətli ictimai səhiyyə fövqəladə vəziyyəti" elan edib.
Epidemiyada indiyədək azı 88 nəfərin həyatını itirməsi və 300-dən çox şübhəli halın qeydə alınmasından sonra qəbul edilən bu qərarın, vəziyyətin ciddiliyini əks etdirəcək şəkildə rəsmi fövqəladə hallar komitəsi toplanmadan öncə sürətlə açıqlandığı bildirilib.
Xəstəliyə yol açan və virusun ən nadir görünən növlərindən biri olan "Bundibugyo" virusuna qarşı hələlik təsdiqlənmiş peyvəndin, müalicə metodunun və ya xüsusi testin olmaması narahatlığı daha da artırır.
Subtropik Afrika Xəstəliklərə Nəzarət və Profilaktika Mərkəzləri (Afrika CDC) qitə miqyasında da fövqəladə vəziyyət elan etməyə hazırlaşır. Qurumun ən yüksək rütbəli rəsmisi epidemiyanın gəldiyi miqyas səbəbindən "panika rejimində" olduqlarını qeyd edib.
Bölgədəki qeyri-rəsmi tibb məntəqələrində isə əlcək və sabun kimi ən əsas infeksiyaya nəzarət ləvazimatlarının belə olduqca qeyri-kafi olduğu bildirilir.
