İran İslam Respublikasının prezidenti Məsud Pezeşkian bildirib ki, İran bomba və raketlərlə fəth edilməyəcək.
Xatırladaq ki, bir müddət əvvəl CNN məlumatlı mənbələrə istinadən bildirmişdi ki, Pentaqon İrana yenidən hücum əmri veriləcəyi təqdirdə İrana zərbələr endirmək üçün hədəflərin siyahısını hazırlayıb.
Publika.az xəbər verir ki, Pezeşkianın mətbuat xidməti onun sözlərini sitat gətirib: "Onlar ölkəni bomba və raketlərlə fəth edə bilməyəcəklər, amma onlar (İranın əleyhdarları – red.) bunu bölünmə və mübahisələr yolu ilə edə bilərlər. Birlik və həmrəyliyimizin məhv edilməməsi üçün səylər göstərilməlidir".
İran prezidenti qeyd edib ki, Tehranın müxalifləri üç gün ərzində İranda İslam sisteminin süqutuna səbəb olmağa çalışıblar və indi ölkə daxilində nifaq salmaq məqsədi daşıyan bir plan hazırlayıblar.
