.png)
BAKI, 18 may. TELEQRAF
WUF13 beynəlxalq birliyin iqlim dəyişikliyi, əlçatan mənzil təminatı, miqrasiya, infrastrukturun dözümlülüyü və sosial həmrəylik kimi qlobal çağırışlarla üz-üzə qaldığı həlledici bir dövrə təsadüf edir.
Teleqraf xəbər verir ki, bu barədə Dövlət Şəhərsalma və Arxitektura Komitəsinin sədri Anar Quliyev Bakıda keçirilən Ümumdünya Şəhərsalma Forumunun 13-cü Sessiyasının (WUF13) açılış mərasimində çıxışında bildirib.
A.Quliyev vurğulayıb ki, WUF13-ə ev sahibliyi etmək Azərbaycan üçün həm böyük şərəf, həm də ciddi məsuliyyətdir:
"Bu addım ölkəmizin dayanıqlı şəhərsalma prosesinə, şəhər və icmalarımızın yenidən qurulması ilə bərpasına, eləcə də dialoq vasitəsilə beynəlxalq əməkdaşlığın gücləndirilməsinə verdiyi önəmin bariz göstəricisidir”.
