Bakı, 18 may, AZƏRTAC
Dayanıqlı şəhərlərin qurulması və bütün vətəndaşlar üçün bərabər imkanların yaradılması müasir urban inkişafın əsas istiqamətlərindəndir.
Bunu AZƏRTAC-a açıqlamasında İspaniyanın “Benito Urban” şirkətinin nümayəndəsi Klaudiya Mayer deyib.
O, həmçinin bildirib ki, insanların dayanıqlı və rahat şəhər mühitində yaşamaq hüququ var və şəhərlərin inkişafı zamanı ətraf mühitin qorunmasına xüsusi diqqət yetirilməlidir.
Klaudiya Mayer WUF13 çərçivəsində keçirilən tədbirlərin də yüksək səviyyədə təşkil olunduğunu və regionda həyata keçirilən inkişaf layihələrinin onda müsbət təəssürat yaratdığını qeyd edib.
