ABŞ-nin Silahlı Qüvvələrinin bölmələri Nigeriya hökuməti ilə əlaqələndirilmiş şəkildə İŞİD qruplaşmasının Afrika ölkəsindəki mövqelərinə hava zərbələri endirib.
Bakıvaxtı.az xəbər verir ki, bu barədə ABŞ SQ-nin Afrika komandanlığının bəyanatında deyilir.
“Həmin terrorçuların zərərsizləşdirilməsi qruplaşmanın ABŞ təhlükəsizliyinə və bizim tərəfdaşlara təhdid yaradan hücumları planlaşdırmaq imkanlarını azaldacaq”, - deyə bəyanatda qeyd edilir.
Aviazərbələrin Nigeriyanın şimal-şərq bölgəsinə endirildiyi bildirilir.
Birləşmiş Ştatlar hökuməti terrorçu qruplaşmanın hərbi potensialının sarsıdılması üçün belə zərbələri davam etdirmək niyyətində olduğunu bəyan edib.
