Müəllif:Mehin Qasımova,Banco.az
Qazaxıstanda yeni və inqilabi ekoloji layihəyə başlanılıb.
Banco.az xəbər verir ki, adıçəkilən ölkə Orta Asiyada "süni yağış" texnologiyasını tətbiq edən ilk ölkə olub.
Yeni layihə Türküstan bölgəsindəki 911.000 hektardan çox münbit və əkin sahəsini su qıtlığı və quraqlıqdan qorumağı hədəfləyir. Bu müasir sistem, dünyada iqlim dəyişikliyinin idarə olunması sahəsində geniş təcrübəyə malik Birləşmiş Ərəb Əmirliklərinin Milli Meteorologiya Mərkəzi ilə sıx əməkdaşlıq çərçivəsində həyata keçirilir.
Qlobal təhlillər göstərir ki, buludların süni şəkildə manipulyasiyası yolu ilə yağıntı miqdarını 10%-dən 20%-ə qədər artırmaq olar . Hazırda bu metod ABŞ, Çin, BƏƏ, Fransa və Səudiyyə Ərəbistanı kimi inkişaf etmiş ölkələr tərəfindən uğurla istifadə olunur.
Mütəxəssislər qeyd edirlər ki, bu texnologiya yalnız yerli xarakter daşıyır və təsir dairəsi 5 kilometri keçmir. Qlobal hava şəraitinə heç bir mənfi təsir göstərmir. Bulud emalı prosesində beynəlxalq səviyyədə təhlükəsiz hesab edilən sadə duz reagentlərindən istifadə olunur.
Bu innovativ həll kənd təsərrüfatı məhsullarının vaxtında suvarılmasını təmin edəcək və quraqlığın vurduğu milyonlarla funt sterlinq dəyərində ziyanın qarşısını alacaq.
