ABŞ prezidenti Donald Tramp "New York Times" (NYT) qəzetinə verdiyi müsahibədə bildirib ki, "İranlılar tezliklə nə baş verəcəyini bilirlər".
Turkustan.az xəbər verir ki, başqa bir açıqlamada Tramp aldığı sorğulara görə İrana planlaşdırılan hücumu sabaha təxirə saldığını bildirib.
ABŞ prezidenti Donald Tramp bildirib ki, İrana qarşı sabah planlaşdırılan hərbi hücum Qətər, Səudiyyə Ərəbistanı və Birləşmiş Ərəb Əmirlikləri (BƏƏ) liderlərinin xahişi ilə təxirə salınıb.
Tramp sosial media hesabında verdiyi açıqlamada bildirib ki, ABŞ və İran arasında ciddi danışıqlar davam edərkən Qətər əmiri Təmim bin Həməd Əl-Sani, Səudiyyə Ərəbistanının vəliəhdi Məhəmməd bin Salman və BƏƏ prezidenti Məhəmməd bin Zayed Əl-Nəhyan hücumun dayandırılmasını istəyiblər.
Tramp region ölkələrinin liderlərinin "İranın nüvə silahına sahib olmayacağı" barədə razılığa gəlinə biləcəyi fikrini bölüşdüyünü və buna görə də sabah üçün planlaşdırılan hücumun ləğv edilməsini əmr etdiyini bildirib.
Tramp bildirib ki, o, müdafiə naziri Pit Heqsetə, Birləşmiş Qərargah Rəisləri Komitəsinin sədri general Daniel Keynə və ABŞ ordusuna hücumun baş verməyəcəyi barədə məlumat verib, lakin məqbul bir razılaşma əldə edilmədiyi təqdirdə İrana qarşı genişmiqyaslı əməliyyata hazır olmağı tapşırıb.
Aytən Yaşar/ Turkustan.az
