Gündəlik qidalanma rasionumuzda sadə bir çərəz kimi gördüyümüz balqabaq çəyirdəyi, əslində, bədənimiz üçün tam bir mineral və vitamin anbarıdır. Son illərdə aparılan pəhriz və tibb araşdırmaları bu kiçik toxumların insan sağlamlığına inanılmaz müsbət təsirlərini ortaya qoyub.Metbuat.az həmin möcüzəvi faydaları təqdim edir: Balqabaq çəyirdəyi triptofan adlanan amin turşusu ilə zəngindir. Bədənimiz bu turşunu yuxu rejimini tənzimləyən "melatonin" və xoşbəxtlik hormonu olan "serotonin"ə çevirir. Yatmazdan əvvəl bir az balqabaq çəyirdəyi yemək yuxu keyfiyyətini bərpa edir və dərindən dincəlməyə kömək edir.Tərkibindəki yüksək miqdarda sink sayəsində bədənin müdafiə sistemini gücləndirir. Sink hüceyrələrin yenilənməsində və infeksiyalara qarşı mübarizədə əsas rol oynayır. Xüsusilə fəsil dəyişkənliyi dövründə viruslardan qorunmaq üçün ən təbii vasitədir.Bu toxumlar maqnezium anbarıdır. Maqnezium qan təzyiqini (təzyiqi) normada saxlayır və ürək ritmini tənzimləyir. Araşdırmalar göstərir ki, balqabaq çəyirdəyinin tərkibindəki sağlam yağlar qandakı "pis" xolesterolu (LDL) azaldır.Balqabaq çəyirdəyi qan şəkərini balansda saxlamaq xüsusiyyətinə malikdir. Tərkibindəki yüksək lif və antioksidantlar insulin dirənişinin qarşısını alır. İkinci tip diabet xəstələri üçün qəlyanaltı olaraq ideal seçimdir.Saç tökülməsindən əziyyət çəkənlər üçün bu çəyirdək əsl tapıntıdır. Tərkibindəki "kukurbitin" adlı unikal amin turşusu saçların sürətlə uzanmasına və tökülməsinin qarşısını almağa kömək edir.Balqabaq çəyirdəyinin bu faydalarından maksimum yararlanmaq üçün onu çiy (qovrulmamış) və duzsuz şəkildə istehlak etmək tövsiyə olunur. Gündə 1 ovuc (təxminən 30 qram) yemək bədənin günlük maqnezium ehtiyacının demək olar ki, yarısını qarşılayır.
