Bakı, 20 may, AZƏRTAC
Bakının gələcək simasını müəyyən edən möhtəşəm layihələri var. Məsələn, "Bakı Ağ Şəhər" layihəsi miqyasına görə şəhərsalma sahəsində böyük bir innovativ yenilikdir.
Bu fikirləri AZƏRTAC-a açıqlamasında Ümumdünya Şəhərsalma Forumunun 13-cü Sessiyasının (WUF13) iştirakçısı, "Bir kəmər, bir yol" Elm və Texnologiya Alyansının Baş katibinin müavini Renyinq Li deyib.
O bildirib ki, həyata keçirilən müasir layihələr Bakının gələcəkdə təkcə enerji sektoru ilə deyil, həm də turizm, mədəniyyət və incəsənət sahələri ilə qlobal mərkəzlərdən birinə çevrilməsinə imkan yaradacaq.
