ain.az, Demokrat.az portalından verilən məlumatlara əsaslanaraq xəbər verir.
Avtomobil istehsalçılarının panelə yerləşdirdiyi, lakin əksər sürücülərin funksiyasını dəqiq bilmədiyi düymə əslində idarəetmədə mühüm rol oynayır. Üzərində "salonda dönən ox" işarəsi olan daxili hava sirkulyasiyası düyməsinin düzgün istifadə edilməməsi həm avtomobilin texniki göstəricilərinə, həm də sürücünün sağlamlığına təsir göstərir.Demokrat.az xəbər verir ki, isti yay günlərində kondisioner tam gücü ilə işləsə də, salonun gec soyuması halları tez-tez baş verir. Avtomobil texniklərinin qeyd etdiyinə görə, məhz bu an daxili sirkulyasiya düyməsini aktivləşdirmək lazımdır. Bu zaman panelin daxilindəki qapaq bağlanır və çöldən gələn isti havanın qarşısı kəsilir. Sistem kənardakı yüksək temperaturlu havanı soyutmağa enerji sərf etmək əvəzinə, salondakı mövcud havanı yenidən dövr etdirərək daha tez soyudur. Bu addım həm də kondisionerin yükünü azaldır.Yayda faydalı olan bu funksiya qış aylarında tamamilə əks effekt verir. Soyuq havada avtomobil şüşələrinin buxarlanması daxili nəmliyin artması ilə bağlıdır. Salondakı sərnişinlərin nəfəsi, yaş ayaqqabılar və geyimlər rütubəti artırır. Əgər qışda daxili sirkulyasiya düyməsi açıq qalarsa, nəm hava salonda qalır və şüşələrdəki dumanı yox etmək qeyri-mümkün hala gəlir. Şüşələrin buxarını ən sürətli şəkildə təmizləmək üçün bu düyməni söndürüb çöldəki quru havanın içəri daxil olmasını təmin etmək, ardınca isə qızdırıcını yandırmaq lazımdır.Sözügedən düymə həmçinin xüsusi qoruyucu rolunu oynayır. Sıx tıxaclarda qarşıdakı avtomobillərin dəm qazının salona dolmasının qarşısını almaq üçün daxili sirkulyasiyanı qoşmaq məsləhətdir. Eyni zamanda, yaz aylarında havadakı toz və polenlərin avtomobilə daxil olmasının qarşısını kəsməklə allergiyadan əziyyət çəkənlərin rahatlığını təmin edir. İdarəetmədə əsas qayda budur: yayda və sıx tıxacda düyməni aktiv saxlayın, qışda və şüşələr buxarlananda isə mütləq söndürün.Yəni, avtomobildəki hava sirkulyasiyası düyməsi çöldən gələn tozun və dəm qazının qarşısını kəsir, yayda salonu daha tez soyudur, lakin qışda şüşələrin buxarlanmaması üçün söndürülməlidir.İsmayıl
Demokrat.az
Ən son xəbərləri və yenilikləri almaq üçün ain.az saytını izləyin.
