“Çin və Tacikistan qonşu ölkələr arasında qarşılıqlı faydalı əməkdaşlıq modelinə çevrilib”.
Hafta.az yazır ki, bu barədə Çinin Tacikistandakı səfiri Quo Çjicun bildirib.
11-14 may tarixlərində Çin prezidenti Si Cinpinin dəvəti ilə Tacikistan prezidenti Emoməli Rəhmon Pekinə dövlət səfərdə olub. Çin səfiri qeyd edib ki, bu səfər ötənilki Şanxay Əməkdaşlıq Təşkilatının zirvə toplantısından sonra iki dövlət başçısı arasında son təmas və liderlərin diplomatiyasının Çin-Tacikistan münasibətlərini davamlı olaraq inkişaf etdirdiyinin daha bir sübutudur.
Qo Çjicunun sözlərinə görə, səfər zamanı əldə edilən mühüm nəticələr ikitərəfli münasibətləri daha da yüksək səviyyəyə qaldırmaq, daha geniş sahələrə genişlənmək və daha dərin inkişaf mərhələsinə keçmək üçün güclü təkan verəcək.
Çin diplomatı vurğulayıb ki, Emoməli Rəhmonun hazırkı səfəri Çinlə Tacikistan arasında ticarət, iqtisadi və investisiya əməkdaşlığını yeni zirvələrə qaldırıb. Danışıqlar zamanı iki dövlət başçısı yaşıl enerji, rəqəmsal iqtisadiyyat və süni intellekt kimi perspektivli sahələrdə əməkdaşlıq məsələlərini müzakirə edib, ikitərəfli əməkdaşlığın potensialını açmaq üçün sahələri müəyyən ediblər.
Səfir əlavə edib ki, tərəflər iki liderin əldə etdiyi mühüm razılaşmaları daha sürətlə həyata keçirəcək, ikitərəfli ticarətin əhatə dairəsini genişləndirəcək, strukturunu optimallaşdıracaq və hər iki ölkə xalqlarının rifahı naminə yeni inkişaf imkanları yaradacaqlar.
