Bakı, 22 may, AZƏRTAC
WUF13-də mənzil mövzusuna bütöv bir anlayış kimi baxılması da çox diqqətəlayiq idi. Yəni, məsələyə təkcə tikilinin fiziki strukturu baxımından deyil, həm də işin sosial tərəfi, evin daxili mühiti kontekstindən yanaşılır.
Bu fikirləri AZƏRTAC-a müsahibəsində BMT-nin Ümumdünya Şəhərsalma Forumunun 13-cü Sessiyasında iştirak edən keniyalı tələbə Kevin Stenli Mburu deyib.
O bildirib ki, bu mövzuda ən çox xoşuna gələn məqam ərzaq suverenliyi və dolanışıq imkanlarından danışarkən, bütün bu komponentlərin ümumi mənzil perspektivini formalaşdırması olub.
