1-ci liqaya vəsiqə uğrunda pley-off oyununun yeri bilindi

1-ci liqaya vəsiqə uğrunda pley-off oyununun nominal meydan sahibinin müəyyənləşdirilməsi məqsədilə püşkatma mərasimi keçirilib.

"Football-plus.az" xəbər verir ki, mərasimdə Peşəkar Futbol Liqasının, 1-ci Liqanın 9-cusu “Şimal”ın və 2-ci Liqanın 2-cisi “Qaradağ Lökbatan”ın nümayəndələri iştirak ediblər.

Görüşdən aonra PFL-in qəbul etdiyi qərara əsasən, 1-ci Liqa uğrunda pley-off oyunu 27 may tarixində Şamaxı şəhər stadionunda keçiriləcək. Görüş saat 16.00-da start götürəcək və “CBC Sport” telekanalı ilə canlı yayınlanacaq. Oyunda VAR sistemi tətbiq ediləcək.