Sosial şəbəkələrdə yayılan maraqlı toy görüntüləri izləyicilərin diqqətini çəkib.
News365.az xəbər verir ki, videoda bəyin dostlarının iştirak etdikləri toy məclisində qeyri-adi addımı əks olunub.
Belə ki, məclis zamanı bəyin yaxın dostları zalın bir hissəsində domino masası quraraq oyuna başlayıblar. Toyun gedişində domino oynayan dostların rahat və əyləncəli davranışları qonaqların da marağına səbəb olub.
Qısa müddətdə viral olan görüntülər sosial mediada geniş müzakirələr yaradıb. Bəzi istifadəçilər bu anları səmimi və əyləncəli hesab edərək bəyin dostlarının zarafatcıl davranışını bəyəndiklərini yazıblar. Digərləri isə toy məclisində belə addımın uyğun olmadığını düşünərək tənqidi fikirlər səsləndiriblər.
Xüsusilə domino masasının toyun ortasında qurulması izləyicilər arasında gülüş doğurub və video minlərlə baxış toplayıb.
