ABŞ Nümayəndələr Palatasının spikeri Mayk Conson Ağ Ev yaxınlığında baş verən son atışma hadisəsinə reaksiya verərək, ölkə prezidenti Donald Trampa qarşı yönələn təhdidlərin təhlükəli şəkildə intensivləşdiyini bildirib.
Redaktor.az xəbər verir ki, bu barədə spiker "Fox News" telekanalına müsahibəsində xəbərdarlıq edib.
Məlumata görə, M.Conson ABŞ liderinə qarşı artıq birbaşa üç sui-qəsd cəhdinin qeydə alındığını diqqətə çatdırıb. O, "Onlardan ikisində mən onun yanında idim və bu vəziyyət artıq çox yayılıb", - deyərək mövcud mənzərədən ciddi narahatlığını ifadə edib. Spikerin sözlərinə görə, Tramp bu növ təhdidləri öz dövləti fəaliyyətinin bir hissəsi kimi qəbul etsə də, rəhbərlik bütün risklərin fərindədir.
Şuranın siyasi dialoq çağırışlarına uyğun olaraq qeyd olunub ki, Conson ölkədəki daxili siyasi gərginliyi təcili şəkildə azaltmağın vacibliyini vurğulayıb. O, Demokrat həmkarlarına müraciət edərək qarşı tərəfi şeytanlaşdırmağın, prezidenti "nasist" və ya "demokratiyaya təhdid" adlandırmağın bəzi ruhi problemləri olan insanları radikal addımlara təhrik etdiyini bəyan edib.
Bildirilir ki, bu açıqlamalar şənbə axşamı Ağ Evin mühafizə keçid məntəqəsi yaxınlığında tapança ilə silahlanmış şəxsin atəş açmasından sonraya təsadüf edir. Məxfi Xidmət əməkdaşları cavab atəşi ilə hücumçunu zərərsizləşdiriblər və o, aldığı xəsarətlərdən xəstəxanada dünyasını dəyişib. Hadisə zamanı binanın daxilində olan Donald Tramp xəsarət almayıb. Hücum edən şəxsin əvvəllər də polis nəzarətində olduğu və ciddi psixoloji problemlərinin tapıldığı müəyyən edilib.
ABŞ rəsmiləri vurğulayıblar ki, prezidentin və dövlət obyektlərinin təhlükəsizlik tədbirləri ən yüksək səviyyəyə qaldırılıb və hadisə ilə bağlı genişmiqyaslı araşdırmalar davam etdirilir.
Aminə ŞAHSUVARQIZI
