"Liverpul"un cinah hücumçusu Məhəmməd Salah İngiltərə Premyer Liqasında məhsuldar ötürmələrin sayına görə "qırmızılar"ın canlı əfsanəsi Stiven Cerrardın rekordunu yeniləyib.
Fanat.Az xəbər verir ki, misirli ulduz İngiltərə nəhəngindəki son matçında - dünən evdə "Brentford"a qarşı keçirdikləri görüşdə (1:1) vurduqları yeganə qolda assist qismində səhnəyə çıxıb.
Bu, Salahın sğzügedən çempionatdakı 93-cü məhsuldar ötürməsi olub. Cerrardın hesabında 92, hazırda "Real Madrid"də çıxış edən Trent-Aleksander Arnoldun aktivində isə 64 qol pası var.
Daha öncə bu yay iş yerini dəyişəcəyi açıqlanan Mo 2017-ci ildən Mersisayd komandasının formasını geyinirdi. Cari mövsüm "Liverpul"un heyətində bütün turnirlədə 41 matça çıxan Salah 12 qol və 10 məhsuldar ötürmə ilə yadda qalıb.
Nihat
