Serbiyanın paytaxtı Belqradın mərkəzində tramvay relsdən çıxaraq binaya çırpılıb, nəticədə 12 nəfər xəsarət alıb.
Bu barədə Serbiyanın “Telegraf” agentliyi məlumat yayıb.
Məlumata görə, səhər saatlarında tramvay hələlik naməlum səbəbdən relsdən çıxaraq binaya çırpılıb. Zərbənin gücündən tramvayın kabinəsi ciddi zədələnib.
Hadisə nəticəsində tramvayda olan 10 sərnişin müxtəlif dərəcəli xəsarətlər alıb. Binada olan iki qadın da xəsarət alıb, onlara tibbi yardım göstərilib.
