Azertag saytından əldə olunan məlumata görə, ain.az məlumat yayır.
Bakı, 26 may, AZƏRTAC
Bugünkü gün mənim üçün həm sevindiricidir, həm də olduqca kədərlidir. Sevindiricidir ki, nəhayət, doğma torpaqlarımıza, ana yurdumuza qayıdırıq. Kədərli tərəfi isə odur ki, tam 32 il keçib; biz bu torpaqlardan cavan oğlan olaraq çıxmışdıq, indi isə yaşlaşaraq geri qayıdırıq. Bu illər ərzində talelər də fərqli formalaşdı: elə ailələr var ki, o vaxt dörd nəfər çıxmışdılar, indi daha da böyüyüb səkkiz nəfər olaraq qayıdırlar. Mən isə o vaxt dörd nəfərlə çıxmışdım, bu gün tək qayıdıram geri.
Bu fikirləri AZƏRTAC-a müsahibəsində bu gün Ağdam şəhərinə köçən Namiq Fətəliyev deyib.
O bildirib ki, Ağdam kimi gözəl bir məkana qayıtmaq böyük xoşbəxtlikdir.
"İşğaldan sonra bu, mənim Ağdama ilk gedişimdir. Bu vaxta qədər məni neçə dəfə müxtəlif səfərlərə dəvət etsələr də, imtina etmişdim; demişdim ki, mən ora qonaq kimi yox, yalnız öz evimə-eşiyimə birdəfəlik qayıdanda gedəcəyəm", - deyə Ağdam sakini əlavə edib.
Ən son xəbərləri və yenilikləri almaq üçün ain.az saytını izləyin.
