Nigeriyada cırtdanboyluqdan əziyyət çəkdiyini iddia edən siyasətçi, yaşı ilə bağlı fırıldaqçılıq ittihamlarının fonunda parlament seçkilərindəki namizədliyini geri götürüb.
Bizim.Media xəbər verir ki, bu barədə Böyük Britaniyanın məşhur "Daily Star" qəzeti məlumat yayıb.
Nəşrin yaydığı məlumata görə, Mahmud Sadis Buba adlı şəxs xarici görünüşünün uşağa bənzəməsini irsi cırtdanboyluqla əlaqələndirərək, hazırda 30 yaşının olduğunu iddia edib.
Lakin bu yaxınlarda onun şəbəkəyə sızan pasport qeydləri tam fərqli mənzərəni ortaya qoyub. Rəsmi sənədə əsasən, Bubanın əslində 16 yaşından kiçik (azyaşlı) olduğu ehtimal edilir.
Qeyd olunur ki, Buba ölkənin nüfuzlu APC partiyasından Nigeriya Milli Assambleyasının (parlament) üzvlüyünə namizədliyini irəli sürübmüş və indiyədək tərəfdarlarına öz xarici görünüşü ilə fəxr etdiyini bildirib.
"Ailəmlə, siyasi həmkarlarımla və böyük partiyamızın maraqlı tərəfləri ilə apardığım uzunmüddətli məsləhətləşmələrdən sonra bu qərarın APC-nin ən ali maraqlarına cavab verdiyini düşünərək namizədliyimi geri götürdüm", — deyə Buba özünün "Facebook" hesabında yazıb.
Bizim.Media
