Demokrat.az xəbər verir ki, iyunun 5-dən iyulun 6-nadək davam edəcək "Taxta At" ayı kəskin emosional dalğalanmalar, diqqət dağınıqlığı və gözlənilməz hadisələrlə yadda qalacaq.
Mütəxəssislər bu dövrdə daşınmaz əmlak və avtomobil alqı-satqısı kimi iri maliyyə sövdələşmələrini təxirə salmağı məsləhət görürlər. İyun ayı istirahət, səyahət, toy və idmana başlamaq üçün ideal vaxtdır. Sağlamlıq baxımından isə ürək-damar sistemi xəstəliklərindən əziyyət çəkənlər diqqətli olmalıdırlar.
Çin təqviminə görə bürclərin iyun xəbəri:
Siçan: Şəxsi həyatda ciddi dəyişikliklər gözlənilir. Subaylar üçün taleyüklü tanışlıq, münasibəti olanlar üçün isə karyera yüksəlişi və gözlənilməz səfərlər qaçılmazdır.
Öküz: Səbr nümayiş etdirməli olan bir aydır. İşdəki gərginlik və gecikmələr əsəblərinizi poza bilər. Münaqişələrdən uzaq durun və daha çox dincəlin.
Pələng: Yaradıcılıq, özünüifadə və yeni ambisiyalar dövrüdür. İş yükü artsa da, zəhmətiniz rəhbərlik tərəfindən yüksək qiymətləndiriləcək.
Dovşan: Münasibətlərdə emosional qeyri-sabitlik yaşana bilər. Mübahisələr zamanı fasilə vermək və emosiyalarla qərar verməmək tövsiyə olunur. İşdə həddindən artıq yorulmaqdan qaçın.
Əjdaha: Taleyüklü dəyişikliklər ayıdır. Yaşayış yerini dəyişmək, yeni layihələrə başlamaq üçün uğurlu zamandır. Təşəbbüsü ələ almaqdan qorxmayın.
Ilan: Sürətli həyat ritminə uyğunlaşmalı olacaqsınız. Strateji təfəkkürünüz və təmkininiz sayəsində uğur qazanacaqsınız. Karyerada rol oynayacaq faydalı tanışlıqlar gözlənilir.
At: Enerji axını ilə yanaşı diqqət dağınıqlığı yarana bilər. Unutqanlıq işinizə mane olmasın. Aktiv istirahət və idman üçün əla vaxtdır, lakin riskli ekstremal hərəkətlərdən uzaq durun.
Keçi: Gərgin ritm səbəbindən eyni vaxtda çox iş görməkdən imtina edin. Yalnız ən vacib hədəflərə yönəlin. Yaxınların dəstəyi daxili tarazlığınızı qorumağa kömək edəcək.
Meymun: Zərərli vərdişlərdən imtina etmək və sağlam həyat tərzinə keçmək üçün böyük impuls qazanacaqsınız. Şəxsi maraqlar üçün insanları manipulyasiya etməyin, bu, münasibətləri korlaya bilər.
Xoruz: Planlar anidən dəyişə bilər, ona görə də qrafiklərə qarşı çevik olun. Emosional yorğunluq səbəbindən vaxtaşırı tənhalığa çəkilmək istəyəcəksiniz.
İt: İyun sizin üçün yayın ən uğurlu dövrlərindən biridir. Atılan hər bir addım dəstəklənəcək və asanlıqla hədəflərinizə çatacaqsınız.
Donuz: Gərgin dövrdən sonra rahat nəfəs ala bilərsiniz. Layihələri tələsmədən, stabil şəkildə inkişaf etdirin. Sağlamlığınıza və immunitetinizə xüsusi diqqət yetirin.
Jalə
Demokrat.az
