“Zenit” hücumçu Felipe Auqusto üçün “Trabzonspor”a 18 milyon avro təklif edib.
Publika.az xəbər verir ki, bu barədə jurnalist Reşat Can Özbudak sosial media səhifəsində məlumat verib.
“Trabzonspor” haqqında xəbərlər üzrə ixtisaslaşmış jurnalistə görə, 22 yaşlı hücumçu artıq “Zenit”lə razılığa gəlib.
Auqusto 2025-ci ilin yayından bəri “Trabzonspor”da oynayır. Bu müddət ərzində hücumçu bütün yarışlarda 40 oyunda meydana çıxıb və 15 qol vurub. Onun müqaviləsi 2029-cu ilin yayına qədərdir.
