Lent az portalından verilən məlumata görə, ain.az xəbər yayır.
Smartfon bəzi ayarları dəyişdikdə və hər gecə enerji yığmağa qoyulmadıqda şarjı daha uzun saxlayır. Ekspertlərin sözlərinə görə, arxa planda işləyən proseslər batareyanı hiss olunmadan tükəndirir və mobil internet sərfiyyatını artırır.
Lent.az xəbər verir ki, batareyanın tez boşalmasının əsas səbəblərindən biri “Wi-Fi Assist” funksiyasıdır. Bu funksiya Wi-Fi siqnalı zəiflədikdə və ya qeyri-sabit olduqda avtomatik olaraq mobil interneti aktivləşdirir ki, məzmunun yüklənməsi dayanmasın. Bu, internetdən istifadənin rahatlığını artırsa da, telefon eyni anda iki bağlantını aktiv saxladığı üçün daha çox enerji sərf edir.
Apple şirkəti bildirib ki, məsələn Safari brauzerində zəif Wi-Fi bağlantısı zamanı səhifə açılmadıqda “Wi-Fi Assist” funksiyası işə düşür və səhifənin yüklənməsini davam etdirmək üçün avtomatik olaraq mobil şəbəkəyə keçir. Batareyaya və mobil internet paketinə qənaət etmək üçün istifadəçilərə “Mobil şəbəkə” və ya “Cellular Data” bölməsinə daxil olub siyahının ən aşağı hissəsində yerləşən “Wi-Fi Assist” funksiyasını söndürmək tövsiyə olunur. Bu zaman zəif siqnal zamanı kiçik gecikmələr yarana bilər, lakin cihaz daha uzun müddət enerji saxlayacaq.
Telefonu niyə 100 faizə qədər doldurmaq məsləhət görülmür?
Batareyanın tez köhnəlməsinin digər səbəblərindən biri də telefonu bütün gecə ərzində 100 faizə qədər enerji yığmağa qoymaqdır. Mütəxəssislər bildirirlər ki, uzun müddət maksimum səviyyədə saxlanılan enerji batareyanın kimyəvi komponentlərinə əlavə yük yaradır. Pensilvaniya Dövlət Universitetinin ElektroKimyəvi Mühərriklər Mərkəzinin direktoru Çao Yan Van bildirib ki, batareya daim 100 faizədək doldurulduqda daha sürətli köhnəlir. Ekspertlər batareyanın ömrünü uzatmaq üçün enerjinin orta səviyyədə saxlanılmasını məsləhət görürlər. Bu, akkumulyatorun daha gec sıradan çıxmasına və uzun müddət stabil işləməsinə kömək edir.
Ən son xəbərləri və yenilikləri almaq üçün ain.az saytını izləyin.
