Rusiyanın Xarici İşlər Nazirliyinin rəsmi nümayəndəsi Mariya Zaxarova bəyan edib ki, ABŞ və Yaponiyanın “Typhon” raket komplekslərinin yerləşdirilməsi ilə bağlı təlimləri Moskvanın təhlükəsizliyi üçün təhdid yaradır.
Onun sözlərinə görə, Amerikanın orta və yaxın mənzilli raket sistemlərinin Yaponiya ərazisində yerləşdirilməsi Asiya-Sakit okean regionunda sabitliyə mənfi təsir göstərir və Rusiyanın Uzaq Şərq sərhədləri üçün birbaşa təhlükə yaradır.
“Typhon” sistemi Lockheed Martin tərəfindən hazırlanmış mobil orta mənzilli raket kompleksidir. Kompleks “Tomahawk” və “SM-6” tipli raketlərlə təchiz olunur.
