Rusiya Təhlükəsizlik Şurası sədrinin müavini Dmitri Medvedev bildirib ki, Aİ hakimiyyətləri Moskva ilə faktiki qarşıdurmaya girib...
Poliqon xəbər verir ki, Rusiya Təhlükəsizlik Şurası sədrinin müavini Dmitri Medvedev Avropa İttifaqı (Aİ) ölkələrinin hakimiyyətlərini Rusiya ilə “müharibəyə girməkdə” ittiham edib. O, Aİ vətəndaşlarına müraciət edərək bildirib ki, onların rəhbərləri birtərəfli qaydada Moskva ilə qarşıdurmaya daxil olub.
Medvedevin sözlərinə görə, Aİ ölkələrinin sakinləri baş verən proseslərə qarşı diqqətli olmalı və yaranan vəziyyət qarşısında təəccüblənməməlidirlər. O, “sakit və dinc dövrün başa çatdığını” iddia edib və bunun məsuliyyəti ilə bağlı vətəndaşların öz hakimiyyətlərinə sual ünvanlamalı olduğunu vurğulayıb.
Rusiya rəsmisinin bu bəyanatı Moskva ilə Qərb arasında münasibətlərin gərgin olaraq qaldığı, xüsusilə də Ukrayna müharibəsi fonunda Avropa ölkələrinin Kiyevə hərbi, maliyyə və siyasi dəstəyinin davam etdiyi bir dövrdə səsləndirilib. Son aylarda Rusiya rəsmiləri Qərb dövlətlərini münaqişədə dolayı iştirakda ittiham edən açıqlamalarını intensivləşdiriblər.
Poliqon.info
