ain.az bildirir, Cebheinfo portalına istinadən.
Qan qrupu insanın yalnız qan köçürülməsi zamanı deyil, bəzi xəstəliklərə meyillilik baxımından da diqqət çəkən amillərdən biri sayılır.
"Cebheinfo.az" xəbər verir ki, müxtəlif qan qrupları müəyyən xəstəliklərin yaranma riskinə təsir edə bilər.
Mütəxəssislərin fikrincə, I (0) qan qrupuna sahib insanlarda mədə və onikibarmaq bağırsaq xorası riski daha çox müşahidə olunur. Bunun əsas səbəblərindən biri həmin insanlarda mədə turşuluğunun daha yüksək olması ilə əlaqələndirilir.
Eyni zamanda bəzi araşdırmalarda I qan qrupunda allergiya və qalxanabənzər vəzi problemlərinin daha tez-tez rast gəlindiyi qeyd edilir. Bununla yanaşı, bu qan qrupuna sahib şəxslərdə ürək-damar xəstəlikləri riskinin digər qruplarla müqayisədə nisbətən aşağı olduğu bildirilir.
II (A) qan qrupu olan insanlarda isə ürək-damar sistemi problemləri, yüksək xolesterin və şəkərli diabet riskinin daha çox ola biləcəyi vurğulanır.
Bəzi tədqiqatlarda bu qan qrupuna sahib şəxslərdə stress hormonlarının daha yüksək olduğu və bunun da psixoloji gərginliyə təsir etdiyi qeyd edilir.
Həkimlər belə insanların qidalanmaya və gündəlik rejimə daha çox diqqət etməsinin vacibliyini bildirirlər.III (B) qan qrupu ilə bağlı araşdırmalarda isə immun sistemi və hormonal dəyişikliklərlə əlaqəli xəstəliklərin daha çox müzakirə olunduğu görünür.
Bəzi alimlər bu qan qrupunda oynaq ağrıları, xroniki yorğunluq və müəyyən infeksiyalara qarşı həssaslığın daha yüksək ola biləcəyini bildirirlər. Eyni zamanda bu qrupun dəyişən hava şəraitinə və stressə daha həssas olduğu da qeyd edilir.
IV (AB) qan qrupu isə ən nadir qan qruplarından biri hesab olunur. Araşdırmalarda bu qrup insanlarda həm ürək-damar xəstəlikləri, həm də yaddaş və diqqətlə bağlı problemlərin yaranma ehtimalının daha yüksək olduğu göstərilir. Bəzi mütəxəssislər bunun immun sisteminin xüsusiyyətləri ilə əlaqəli olduğunu düşünürlər.
Həkimlər bildirirlər ki, qan qrupu yalnız insanın sağlamlığını müəyyən etmir. İdman, düzgün qidalanma, keyfiyyətli yuxu və vaxtında tibbi müayinə xəstəlik riskini azaltmaq üçün əsas amillərdir.
Gülər Həsənli
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
