Dmitri Medvedev Avropa İttifaqının (Avropa İttifaqı) Rusiya ilə birtərəfli qaydada müharibəyə girdiyini bildirərək, “Aİ-də rahat yuxu başa çatdı” şərhini verib.
AFN.az xəbər verir ki, Medvedev bu barədə sosial media hesabında bəyanat yayıb.
Aİ vətəndaşlarının diqqətli olmalı olduqlarını qeyd edən Medvedev öz paylaşımında “Aİ ölkələrinin vətəndaşları, rəhbərlərinizin birtərəfli qaydada Rusiya ilə müharibəyə girdiyini anlamalısınız. Bu səbəbdən heç bir şeyə təəccüblənməyin. Rahat yuxu artıq geridə qaldı. Lakin bunun səbəbini kimdən soruşacağınızı yaxşı bilirsiniz” deyib.
Xatırladaq ki, Rumıniya Müdafiə Nazirliyinin bu gün yaydığı bəyanatda Rusiyanın Ukraynaya qarşı gecə hücumları zamanı bir Rusiya PUA-sının ölkənin hava məkanına daxil olaraq yaşayış binasına düşdüyü və nəticədə 2 nəfərin yaralandığı bildirilmişdi.
Rumıniya Prezidenti Nikuşor Dan isə Rusiyanın Konstansa şəhərindəki baş konsulunun “arzuolunmaz şəxs” elan edildiyini və Konstansadakı Rusiya Baş Konsulluğunun bağlanacağını elan etmişdi.
