“Qremio”nun və Braziliya millisinin qapıçısı Veverton Pereyra da Silva 2026-cı il dünya çempionatında iştirak edəcək milli komandanın heyətinə daxil edilməsinə münasibət bildirib.
90deqiqe.Az xəbər verir ki, təcrübəli qolkiper bu xəbərin onun üçün xüsusi əhəmiyyət daşıdığını vurğulayıb:
“Bunlar sevinc və minnətdarlıq hissləri ilə dolu, mənim üçün çox xüsusi günlər oldu. Bu uğura nail olmağımda mənə dəstək göstərən hər kəsə və Allaha sonsuz təşəkkür edirəm. Hər gün tarixə düşmək, futbolu böyük sevgi ilə yaşayan və altıncı dünya çempionluğunu ölkəmizə qaytarmaq yolunda bizə dəstək olacaq bir xalqı təmsil etmək barədə düşünürəm”, – deyə Veverton bildirib.
Qeyd edək ki, 2026-cı il dünya çempionatı ABŞ, Kanada və Meksikada keçiriləcək.
Braziliya millisi turnirin qrup mərhələsində Mərakeş, Haiti və Şotlandiya yığmaları ilə eyni qrupda mübarizə aparacaq.
