Güclü külək Gəncədə də fəsadlar yaradıb - FOTO

Ölkədə hökm sürən qeyri-sabit hava şəraiti Gəncədə də fəsadlar törədib.

Bizim.Media-nın yerli bürosunun məlumatına görə leysan yağışla müşahidə olunan güclü külək nəticəsində şəhərin müxtəlif ərazilərində bir neçə iri gövdəli ağaclar qırılıb.

Gəncə şəhər İcra hakimiyyəti MKTİB-nin Yaşıllaşdırma şöbəsinin əməkdaşları tərəfindən küləyin törətdiyi fəsadlar aradan qaldırılır.

Birlikdən bildirilib ki, səhər saatlarından başlayan işlərə MKTİB-nin texnikası və canlı qüvvəsi cəlb edilərək qırılan ağac budaqları hadisə yerindən yığışdırılıb.

Aşma ehtimalı olan ağaclar zərərsizləşdirilib, təhlükə yaradan budaqlar kəsilib.

Hal-hazırda MKTİB-nin canlı qüvvə və texnikası təhlükə yaradan ağacların budanma işlərini davam etdirirlər.








Məqsəd Rəhimov, Bizim.Media, Qərb Bürosu

• Gəncə
• Yağış
• Külək
• Ağaclar
• Fəsadlar
• Işlər