Fransada PSJ-nin Çempionlar Liqasını qazanmasından sonra baş verən iğtişaşlar zamanı yüzlərlə insan saxlanılıb.
QOL.az xəbər verir ki, “Le Figaro” nəşrinin hüquq-mühafizə orqanlarına istinadən yaydığı məlumata görə, ümumilikdə 326 nəfər polis tərəfindən saxlanılıb. Onlardan 235-i Paris və ətraf ərazilərdə tutulub.
İğtişaşlar Parislə yanaşı, Havr, Ajen, Monpelye və Dijon şəhərlərinə də yayılıb. Rəsmi açıqlamada bildirilib ki, bəzi şəhərlərdə azarkeşlərin qələbəni qeyd etmələri kütləvi pozuntularla müşayiət olunduğu üçün polis müdaxiləsi zəruri olub.
