Yeni rəy sorğusuna görə, hakim “Vətəndaş müqaviləsi” partiyası seçkilər öncəsi rəqiblərini əhəmiyyətli fərqlə qabaqlayır...
Poliqon xəbər verir ki, yayımlanan yeni ictimai rəy sorğusunun nəticələrinə əsasən, Nikol Paşinyanın rəhbərlik etdiyi hakim “Vətəndaş müqaviləsi” partiyası seçici dəstəyi baxımından inamlı üstünlüyünü qoruyur. Məlumata görə, partiya təxminən 65 faiz dəstək toplayaraq fevral ayı ilə müqayisədə təxminən 41 bənd artım nümayiş etdirib.
Sorğu nəticələri parlament seçkilərinə bir neçə gün qalmış hakim siyasi qüvvənin mövqeyinin gücləndiyini göstərir. Eyni məlumatlarda qeyd olunur ki, müxalif düşərgə parçalanmış vəziyyətdə qalır və rəqib siyasi qüvvələrdən heç biri təxminən 12 faiz dəstək səviyyəsini aşa bilmir.
Bildirilir ki, müxalifətin parçalanmış mənzərəsi seçki kampaniyasının son mərhələsində hakim partiyanın üstünlüyünü daha da artırır və siyasi rəqabətdə balansın Paşinyan komandasının xeyrinə dəyişdiyini göstərir.
Poliqon.info
